mirs schetgs

 

Construir mirs schetgs

Igl atun 2014 ei vegniu entschiet a restaurar in mir custeivel a Schluein (Cleus). Mirs schetgs ein elements impurtonts dalla cuntrada culturala e porschan suttetg e refugi a biaras creatiras pintgas/biars micro-organissems. Marco Simonet, Schluein, commember dil cussegl da fundaziun dalla Platta Pussenta, e Matthias Götsch, Vaduz, specialist da construir mirs schetgs, han surpriu la direcziun da quei project. Igl onn 2015 ei il Gi dalla Platta Pussenta staus dedicaus als mirs schetgs e la fundaziun ha organisau in cuors da construir mirs schetgs. Duront quei cuors ei vegniu cuntinuau a baghegiar il mir schetg da Schluein. Omisdus arranschaments ein stai in success e visitai bein.

La restauraziun da quei mir succeda duront plirs onns, per l’ina perquei che quella drova aschibein temps sco era finanzas, per l’autra perquei la faua e la flora han aschia peda da colonisar ils spazis novs dil mir en etappas.

Avis: Planisau la cuntinuaziun dalla sanaziun – encuriu voluntaris

La restauraziun da mirs schetgs cunvegnenta, drova denton temps.Igl onn 2017 duei vegnir cuntinuau culla lavur vid il mir schetg a Schluein. Nus vessen grond plascher sch’ei dess voluntaris per quei bi pensum. Igl engaschament vegn remuneraus cun ina pintga indemnisaziun. Il termin per quella lavur vegn fatgs enconuschents pli tard e vegn coordinaus culs voluntaris.

Tgi che ha interess duei s’annunziar tier:

Marco Simonet, Via Casti 40, 7151 Schluein, tel. 079 312 14 52, mail: m.simonet66@gmail.com.

Sanaziun dil mir schetg Sogn Giacun a Laax

Il zercladur 2016 ei vegniu sanau il mir schetg “Sogn Giacun”, quei sut la direcziun da Matthias Götsch ed Erwin Schmid, commember dil Cussegl da fundaziun dalla Platta Pussenta. La sanaziun el perimeter dalla Fundaziun Platta Pussenta ei vegnida sustenida finanzialmein dalla “Pro Laax”.

mirs schetgs mirs schetgs mirs schetgs mirs schetgs